 | | |
| | |
|
Spaces home  蕭瑟秋風今又是, 換了人間PhotosProfileFriendsMore |  Tools   |
|
蕭瑟秋風今又是, 換了人間我愛Elegance
January 22 消失我想找個地方躲起來 沒有煙味 沒有是非 沒有肥皂劇裏的對白 我想找個地方躲起來 沒有Guitar 沒有依賴 沒有約會時 的期待 離開我熟悉的城市 忘記我自己的名字 說沒有結局的故事 你不想聽 我就消失 離開我熟悉的桌子 拔掉我身上的電池 點掉我臉上的黑痣 在地平線上 消失 我想找個地方躲起來 沒有電話 沒有災害 沒有那麼多的電視台 我想找個地方躲起來 沖了馬桶看著水流 我躲在廁所 不想出來 不想出來 不想出來 January 12 投名狀Mavis @ 孤芳自賞 @ 可憐虫.com 那年頭, 兵慌馬亂, 死比活容易.....民不聊生把戰爭的殘酷活活展現出來.... 令我想起中東的連年戰火, 我們這脫人實在太幸福了 龐青雲(李連杰)一開始就裝死, 沒有跟旗下的士兵同生共死, 這已是故事一開首已埋下的伏筆
命中注定遇到徐靜蕾, 大家原不是鄉巴人, 談話投機, 互生好感, 女的更背夫偷漢... 落難將軍, 為了糊口, 當了匪.... 那年頭, 誰最凶, 誰就有饅頭...甚麼仁義道德 / 婦道等等只好靠邊站了... 每一位導演拍電影, 都有他 / 她想表達的信息; 而作為觀眾既就有各自的領略 這齣戲, 我領略到導演所帶出黎既信息, 就是人與人之間的相互利用, 猶其當官的.. 棄匪投清, 為弱方的李大人打勝魁字營, 換來山字營, 方能東山再起.. 再戰3年, 換取將來生活無憂... 分一半蘇州給魁字營, 換來10日軍糧, 方能讓兄弟溫飽 有多少人能仕途官運亨通呢, 要踩在多少人的頭顱, 方能往上爬呢?
龐青雲(李連杰)智勇雙全, 但城府不深; 趙二虎(劉德華)義字當先, 忘記了尊卑之分; 午陽(金城武)勇往直前, 惜頭腦簡單.. 熟悉我的朋友, 都知道素來我看電影都是為了捧導演場.... 陳可辛, Peter Chan, 是我欣賞的導演之一....他擁有文人雅士的氣質, 是個有藝術細胞的文化人
李力持說吳君如在陳可辛的薰陶下, 整個人的修養也被提升了
像他這樣有才華的人, 一定有事業......可惜他已是吳氏的了
他作品題材比起王家衛/杜其峰更為之廣泛... 由《如果·愛》開始, 已拍大製造的片子了...
陳可辛（1962年－），香港電影導演，作品包括有《金枝玉葉》、《甜蜜蜜》等。《甜蜜蜜》得到香港電影金像獎最佳電影等九項大獎，陳可辛亦憑此片成為最佳導演。2006年，以《如果·愛》獲得第43屆金馬獎最佳導演獎，頒獎當天陳可辛在北京未能親臨頒獎現場，由女友吳君如，同時也是頒獎人代為領獎。 [編輯] 作品 January 10 變幻原是永恆明月幾時有 把酒問青天 不知天上宮闕 今夕是何年 我欲乘風歸去 唯恐瓊樓玉宇 高處不勝寒 起舞弄清影 何似在人間 轉朱閣 低綺戶 照無眠 不應有恨 何事長向別時圓 人有悲歡離合 月有陰晴圓缺 此事古難全 但願人長久 千里共嬋娟 我欲乘風歸去 唯恐瓊樓玉宇 高處不勝寒 起舞弄清影 何似在人間 轉朱閣 低綺戶 照無眠 不應有恨 何事長向別時圓 人有悲歡離合 月有陰晴圓缺 此事古難全 但願人長久 千里共嬋娟 January 09 bcos i do care u新既一年 , 你一家人都黎我公司做body check 啦...... 先上黎參觀一下我地個centre, 但如儀器 / 設備 / 環境, 再決定.... 我關懷我身邊所有人, 所以提醒你及你家人做body check.. 你絕對可以選擇其他公司做body check , 但你要識得選擇lor ~ !! 健康係你自己既, 唔使sell... 唔好輕視body check, 絕大部份cancer病人既存活率達9成, 如果及早發現的話 我公司只鼓勵每一年定期全身既body check 全身即係世衛要求既28大項 & 90小項, 我公司唔會提供只check 幾項既service 買架車都定期check 架車啦~! 對架車, 你又會唔會check d, 唔check d 呢?? 你又會唔會話, "架車, 我check幾樣, 平就得架啦, 唔使俾多少少錢check哂成架車ga..." Body check 既嚴重性都係一樣 ga, 點解人仲可憐過架車呢 ?? 夢中人其實Vivi講既, 都係每個人想既, 我只想開心姐...
自私的話, 已令我不開心了....
過去幾個月, 自己付出過, 又有些甚麼開心的呢?
唔開心既, 已無意思了 2008年, 立定目標, 就係追求開心....
January 08 好充實的一天踏入08年既第六日, 節目豐富, 好開心
話說, 我真係的起心肝誓要減番10磅, 想由豬扒轉型到可以著比堅尼既性感icon
於是又再一次密謀行山, 推掉飲食男女華兄台& Vivi 既長洲平價美食團既約會, 噢~! 其實我流哂口水, 好想去架
 (偷食男女至真, haha 佢地睇左我咁寫佢地, 一定會聯手對付我, 真係好驚添
 )講番行山, 今次唔都無乜上落山既行程, 極之輕鬆, 幾乎無出過汗...
唉, 我既排毒大計未能打響如意算盤添...
行下行下, 將近尾聲時大約下午4時許....
想起前幾日sent sms 推Vivi時, 知佢見我爽約唔開心, 維有同佢講我廋左10磅之後, 就請佢食自助餐啦(平價果隻
)打去俾華兄台, 問佢幾點食, 佢話晚黑7點幾啦...
我即刻話入去join佢地....嘻嘻, 咁就唔使請Vivi食自助餐啦
奸計得逞, 心中暗喜, 即刻行去搭96R出番去西貢市中心...
我係西貢, 坐前往銅鑼灣既小巴... 去到銅鑼灣既港鐡已6點搭9, 敝家伙...
我行山有個習慣, 只帶身份證 / 發達通 /當天緊有既銀糧
係銅鑼灣, 想飛的去碼頭, 但身上只剩下廿蚊, 連提款卡都無
再去中環, 就已經搭10..........成個香港站都無水牌指人去碼頭ga wor.. 靜係國產既金都有幾個出口, 我維有見倒商鋪既sales 就盡問啦... 咩住個Lafuma 水袋背饟加剩低食物, 真係跑唔旭wor
最終, 我係緊餘半分鐘上倒架長洲快船....否則要坐下一班一個鐘慢船
索哂氣咁打俾華兄台, 佢話恭喜我wor...
當晚我地8個人食左8碟海鮮, 共花費8百幾蚊...
正呀, 全靠華兄台係長洲住既朋友, 先可以用咁便宜既價錢咋...
佢朋友有d 似候生版既吳震宇....輪廓幾sharp
話說幾年前我係尖沙咀見過吳生真人, 幾高大 (起碼1米8), 黑實靚仔
佢又有事業, 演戲又得, 羅過獎架...
係我心目中其中一個既黑馬王子.....有外型, 有內涵 (有事業)
算啦, 發夢還早了點.....
總之琴日好充實, 好開心啦
January 05 不要讓我死掉 之 我不用怕加價星期六, 看卓韻芝在apple既專欄 --- 不要讓我在周末死去
有點意思, 看得出小妮子文化修養不高, 但大腦轉動得頻率高
N年前與最愛的男人看她有份策劃的 --- 過海隧道 我也來湊湊熱鬧, 不要讓我死掉 之 我不用怕加價
反正我肥了10磅~!!!
豬牛肉加價, 我跟老媽子嚷道 : "唔好食肉啦, 食芽菜啦, 反正全家都要減肥"
麵粉麵飽加價, 我跟老媽子嚷道 : "靜係食麥飽米算lor, 反正全家都要減肥"
隧道加價, 我跟老媽子嚷道 : "死都唔過海"
美容院加價, 我跟老媽子嚷道 : "一定要養成晚上10點前訓覺既習慣"
不安 令我失眠了好幾晚呢幾日估下估下好難受, 聽日唔知會點呢...
突然醒起朋友搵俾我既歌詞 :
留心街中每個人 彼此匆匆過皺著眉心 重疊的足印 細踏了千遍 多千遍 看落也不要緊 留心身邊每個人 冷冷的雙眼試問何因 人在匆匆裡 那曾知道 今天你我是遠還是近 ＊如今都市內每人 彷彿不可以讓友情接近 時間鞭策著的一生 天天相見卻沒有時間望人 留心街中這個人 帶笑一雙眼那樣誠懇 迎面的走過 對著我一笑 心中愛意自遠而近 重唱 ＊ 陽光溫暖像這人 一顆心充滿著友情歡欣 人生相見瞬即相分 能否再讓兩心可以漸近 December 28 電視撈飯 - 觀察2琴晚食飯時, 咁arm睇倒無記既"同事三分親"
部分內容節錄:
"裘俊載紀勇到雪房拍攝廣告，怎料兩人被反鎖在雪房，紀勇出現低溫症，裘俊即時攬著讓他保暖。明珠找不到裘俊，擔心得到「形」找樓華"
其實, 珠表妹只係搵唔倒裘俊兩個鐘姐, 已擔心到上去公司搵人啦...
如果成日都搵唔倒, 你會聯想有咩事呢, 有咩可能性呢, 點解會咁呢 ??? 世上只有可能媽咪估我受左委屈, 今晚煮左好多我鍾意食既菜式 秘方琴晚識左個新朋友, 佢好大方咁share 左清朝御醫既美顏秘方出黎....
呢個朋友真係由佢個心靚到出塊面...
我宜家係度靜雞雞講俾你知架咋, 收倒我對你有幾好未 ?
 每朝空肚飲 和暖水+honey+紀子(寧夏出果隻) 2007 Dec 26 26號去左文大仙元朗既屋企bbq, 都未去到佢第9座, 隔離座既狗已吠到拆天...
就係咁, 文大仙就知有人到左門口啦...
是夜有3個Vivian呀, 一個姓林, 一個姓陳, 一個姓黃, 真係巧啦
由於有心事, 化悲憤為食量, 敝家伙 >.<
飲左3罐啤酒, 幾杯好酒都唔wing架...
好彩無醉姐, 否則出醜搞寸個party就唔好啦
2007 Dec 25嫌棄我肥, 米的起心肝快d減lor
希望有所幫助啦, 再唔廋番, 就連自己都嫌棄自己啦
其實, 大浪西灣景致真係好優美, 水清沙幼
點知去到西灣一帶, 就俾d垃圾嚇親我..
天呀, 好污糟呀......
估計係附近露營人士遺留既....
同我肥胖指標達頂點, 一樣都係 no eye see 啦
 December 27 2007 Dec 1919號一早去荃灣見客, 著住係豬2000新買既恤衫同西褲...
襯佢減價時買既, 仲要搵買一個平時對我nice既同事去幫下眼, 而且佢係會員有discount 呀
件恤衫既cutting好修腰, 特顯美好身段, 布料好華麗
條西褲都好型架....你知啦, 普通姿色既衫我揀唔落手架麻
用平既價錢去買靚既衫係我既強項, 話哂我都係free-lance既 image consultant...
我既品味就梗係出類拔萃啦, hahahaha.... (講下笑姐, 滿足一下唔健康既認叻心態)
19號lunch係sales dept 既x'mas party, 我已買好送俾佢地既聖誕禮物
18晚, 我特登晏d收工, 將份禮物放係佢地台面..
女既送柯哩吉蒂軟糖棒, 男既送聖誕透明膠波(內有巧克力)
我係每份禮物都寫上一個字母, 而下一個字母就指示佢地去搵另一位同事, 如此類推...
M-->A-->V-->I--S, 即係我啦=^.^=
其實之前所有conference room都俾其他部門book哂...
幾經週旋下, CS借出一間房, 我地先有得搞party咋...
多謝有關同事既努力, 真係功不可沒...
我地叫得太多野食啦, 搞到要猜輸贏去清食物;
猜贏既同事可以點名叫其他人去食野, 如是者猜左好多輔....
最後清潔時, 仲有好多食剩既食物, 可惜可惜...
其中一輔, Andy Lau同Eileen提猜贏既同事叫我食, 出黎玩大家開心姐, 無所謂啦
而且, 佢地兩個係成個sales dept之中係對我最好架....
同事之間, 你對我好, 我對你好咁又一日啦...
Andy就快結婚啦, 平時佢對我咁好, 如果佢請我飲, 我就梗係....
人情留一事, 山水有相逢...
講開同事, 坐房既零舍無架子, 見倒每一位都主動打招呼...
反而d 無房坐又唔係我上司既就擺哂款, 比到你盡, 你既發展都係有限公司啦 December 24 又係電視撈飯- 觀察再講"建築有情天"...
話說阿鍾國強既仁姪仔, 成大業Don Sing為左娶有錢女, 好勤力地工作...
真係勇氣可嘉....
我覺得人窮唔緊要, 最緊要唔好志短;
佢對女友既誠意, 大家都睇得出.....
佢係寧願自己慳d, 都要對個女友係最好既...
莫講話情侶/夫妻, 我對家人及朋友, 都係寧願慳自己既人...
對對方好, 令到對方開心, 先至係待人相處之道...
December 23 太差了琴晚, 終於睇左"真的想飛你"
男主角實在太差了, 係未遇到她的最愛B小姐時....
佢為令左情人A在身邊, 不惜拍左無耐就結婚; 因為A小姐被公司派去歐洲工作; 在她的工作單位, 只有已婚人士才不用去歐洲工作...
渡蜜月時, 男主角先發覺同老婆唔夾; 與此同時又遇上B小姐, 發覺自己好喜歡B小姐;
跟住就背妻泡妞...
咁自私賤格都做得出既, 咁即係搵A小姐攝時間姐...??!!!
有報應架, 小心過馬路, 小心呢樣果樣....
唔係唔報, 只係時晨未到, 可能報係屋企人果度都唔出奇...
果齣咁既"建築有情天"
呀鍾國強搵強嫂攝左7年時間, 遇倒個後生女就發哂姣; 仲要同強嫂臨結婚都同阿Da上床~!!
世風日下, d 野只會覺得楊子軒BrianYeung賤, 賤得過搵人攝時間既禽獸~??!!!
有報應架, 小心過馬路, 小心呢樣果樣....
唔係唔報, 只係時晨未到, 可能報係屋企人果度都唔出奇... December 20 今期傳媒熱 - Sam Hui最近阿Sam係大球場舉行演唱會, 可能要造勢既關係, 上兩個禮拜我偶爾見倒電視台有個Sam Hui 既訪問特輯
節目穿插了好多Sam既名曲, 又訪問左佢既創作心路靂程 阿Sam被稱之為”歌神”, 真係當之無愧… 睇佢將詩詞歌賦既運用, 係香港, 佢真係前無故人, 後無來者….
張學友, 鮮有創作... 陳奕信, 曲創作不多, 中文算不上有造詣 則田, 曲創作多, 填詞方面無需強求
阿Sam唱得彈得, 作得填得; 外型ok又唔矮; 係少有既表里都咁優質既香港藝人…
個人有料, 一定會有事業; 加上對自己外觀都有要求既人, (你睇佢常常架車去郊外跑步, 又練身段) 想唔紅都幾難... December 18 憾事 (我其中的一件)由於我家空間細, 我又無私家車, 不適宜養金毛尋回犬 舊年9月, 我買左一隻bb曲架狗, 好趣致, 好乖, 佢叫”佳佳” 深啡色毛, 長長的耳仔……毛色 / 身型 / 外觀都類似我想養的金毛尋回犬…. 當其時, 我家已養左一隻好靚仔既貓達3年多, 係一隻大肥貓啦, 佢叫”旺旺”…
我知道係一定會有貓狗大戰既, 我以為大家相處耐左就無事 佳佳熱情, 不拘小節; 旺旺高傲, 不喜歡新朋友… 佳佳好鍾意跑向旺旺, 而旺旺就跳上床怒睥隻狗… 甚至打咬佳佳, 我分開佢地, 按住隻貓, 叫佢唔好咁驚…
貓厠所係廚房, 要行經過廳先去倒廚房… 隻狗係廳, 隻貓就寧願唔去厠所, 都要係房 佢地相處左一個月多d 之後, 隻貓好似已無咁驚隻狗 點知好景不常, 隻貓竟然係媽咪張床柯尿…
媽咪強烈投訴, 一定要送走隻狗, 又話佢咬爛哂屋企既野… 係媽咪既壓力下, 我唯有忍痛作出決定, 因為隻貓係大貓, 相信唔會有人收養大貓啦 我唔想係網上為佳佳搵新主人, 最好都係有人介紹, 有得跟進下咁啦… 於是打了N個電話去為佳佳搵主好人家….
2nd owner 終於, 我當時既同事阿Joe既女性朋友想收養我隻狗 佢係離婚中年婦人, 又話自己養過狗; 我以為佢想有個伴兼好多時間對住我隻狗…. 就安心俾左隻狗佢啦…
後黎, 佢話要番大陸幾日, 不如俾番我…. 我已無可能再回收隻狗啦, 唔肯應承… 無耐佢又打黎話我隻狗咬爛佢d 野, 又話自己話養唔掂, 仲發哂爛渣話 : ”你唔羅番隻狗, 我就交去漁農處” 我頂呀, 咁無責任心既, 你收養得佢, 你就有責任為佢搵番頭好既主人家…..
3rd owner 基於我有惻隱之心, 我又再週圍搵人收養佳佳… 結果我係cityU讀書時得個識字既Dorothy, 佢當時既supervisor話想養… 好辛苦聯絡倒果個失婚中年婦, 佢成日轉電話好碼~!! 今次想養狗既人似乎唔窮, 唔使擔心無人照顧隻狗啦 交收當日, 我都在場, 我都好耐無見佳佳啦.....我隻狗, 我好掛住你...
點知, 第日佢打黎話養唔倒佳佳, 因為佢隻狗不停吠, 又咬佳佳 半夜嘈到俾鄰居報警投訴.... 今次, 輪到我發爛渣, "你有責任去幫佢搵個好既新主人~!!!" 我仲係同Dorothy msn 果度鬧衰佢...
4th owner 未幾, 佢地上網搵左個新主人(約今年3月尾), Dorothy 仲 email 左新主人既電話俾我... 話我可以打去, 約出黎見下隻狗... 我心情沉重, 一直唔敢打去; 我好怕知道佳佳又再俾人當球咁, 傳黎傳去... 我好內疚, 受到良心既責備...
前晚, 唔知點解我突然打去搵果個新主人... 我仲以為我已放下了這件事, 原來我放唔低... 原來佳佳一直係我內心深處... 對話內容得知佳佳安好, 已跟新主人相處左大半年, 無被人遺棄... 佢仲問我使唔使見下隻狗....我話唔使啦, 祝你同隻狗健康快樂....
我仲邊有面目去見佳佳呢 如果我去到, 我會唔會喊呢... 佳佳又認唔認得我呢
佳佳, 希望你既新主人對你好好地, 希望你搵倒幸福... 我唔配做你主人, 我俾唔倒幸福你... 淚水湧出, 內心不好受 我想對你說的話按住alt→ 按32854 →放開alt 按住alt→ | ||
Invite as friend